جبل سمحان .. يعتبر من أعلى القمم الجبلية في محافظة ظفار
يبرز جمال الموقع من اطلالته الفريدة على الساحل الشرقي لمحافظة ظفار
السؤال المنسدح مع نظرة شريرية .. ماذا تعني كلمة سمحان ؟
للأمانة ما أعرف معناه .. هذا اذا له معنى أصلا ..
و لا حد يقول لي سمحان من سماحة الوجه
مثل ما قالوا ميزون من المزن و المطر
و خيار من اتخاذ الخيار الأمثل .. للعلم اللام في لخيار تم اضافتها بعد استصعاب نداء خيار بالجبالي بحرف النداء "أ" أخيار فتحولت الى ألخيار ..
و لا اللي قالوا أن طفَل و في رواية أخرى "طفال" و طفول من الطفولة و البراءة
و اللي يحطمهم كلهم محاد يُقال أنه من محمد و أحمد اسم النبي .. تن تراااا
اذا سألت احد الجباليين القدامى اللي لغتهم العربية ركيكة -ان لم تكن معدومة- .. ايش معنى الطفولة؟ الخِيار؟ المَزن؟ أشك أنهم بيعرفوا الجواب .. ^_^
ما أعرف أيش جاب هالسالفة ههه
المهم .. أحب أقول للي مقتنعين بهذه الفرضيات .. يمكن فرضياتكم صحيحة و قد تكون خاطئة مليش دعوة مجرد شي عابر خطر في بالي
نعود لمحور الحديث .. جبل سمحان
من الأماكن السياحة المُهملة جدا من قِبل المجتمع و من قبل الوزارات المعنية (البلدية ، السياحة ، الاسكان، التجارة ... )
يعتبر المكان بدائي جدا و يفتقر أساسيات الجلوس و الاستمتاع بيوم عائلي ..
للأمانة فيه مشروع حالي يتم و اللي هو ترميم الكهف الصغنن اللي عند المواقف بس لسة نقول دعك تعجين .
شفت هالصورة من أحد حسابات زملاء الدراسة ..
و بس تعبت نفسيا و قررت أتعبكم معي
و هذي صورة صورتها قبل رمضان و حبيت أشاركها
** تجاهلوا الجودة
و غير الموسم اللي يكون فيه السحب منخفضة ..
فيه الأيام اللي تكون الاطلالة واضحة على الساحل الشرقي لكاليفورنيا .. **ظفار
بحيث يكون البحر و السهل و التضاريس الجبلية على مرأى العين .. شيء جميل جدا
و اذا ما كنت من هواة الطبيعة و البيئة البرية "النهارية"
في المساء يكون المنظر أكثر جمالا بتألق ليتات الحكومة في السهل الله يخليها ..
و في نفس الوقت إضاءة النجوم..
كون تأثير الضوضاء الضوئية لا يؤثر على بريق النجوم بحكم البعد المسافي ..مسافي و لا أكوافينا .. مشّوها :>
صورة أخرى و أنا واقفة على صدع صخري ما كنت أعرف أنه بهذا الحجم الا بعد ما شفت الصورة ..
هذه التصدعات الصخرية أحسها مهمة ياخي .. الجيولوجيين وينكم يُبة ؟؟ اذا ماحد راح يهتم فيها عالأقل حد يشيك لا تطيح و تسبب إرهاب للناس .. ايوة ارهاب يعني تخويف مو داعش بس ارهابيين هذي الصخور تكون ارهابية اذا طاحت >_<
أدري ما عندي سالفة بس المكان أحبه و الله و أتمنى أشوفه في محل اهتمام بحيث أقدر أشرب كوب شاهي بدون لا أطير من شدة الهواء ..
و بس ^_^
